2023-cü ildə Heydər Əliyev adına Neft Emalı Zavodunda yerləşən 3 düymlük qələvi boru xəttində yenidənqurma işləri uğurla tamamlanmışdır. Layihə çərçivəsində 400 metr uzunluğunda olan qələvi boru sistemi tam şəkildə dəyişdirilərək müasir texniki tələblərə uyğun şəkildə yenilənmişdir.

Əvvəlki, zamanla köhnəlmiş boru seqmentləri diqqətlə sökülərək onların yerinə keyfiyyətli və davamlı yeni borular quraşdırılmışdır. Quraşdırma prosesi zamanı qaynaq birləşmələrinin möhkəmliyi və davamlılığı yüksək səviyyədə təmin olunmuş, həmçinin sistemin sızdırmazlığı bir sıra yoxlamalar vasitəsilə təsdiqlənmişdir. İşlərin hər mərhələsində peşəkar mütəxəssislər tərəfindən nəzarət təmin olunmuş və təhlükəsizlik qaydalarına tam əməl edilmişdir.

Layihənin icrası 15 təqvim günü ərzində başa çatdırılmış və bu müddət ərzində yüksək keyfiyyət və operativlik nümayiş etdirilmişdir. Caspian Engineering Solutions şirkəti olaraq, sənaye obyektlərinin texniki təmir və modernləşdirilməsi sahəsindəki bacarıqlarımızı bu layihə ilə bir daha sübut etmişik. Bu yenilənmə, zavodun fasiləsiz və təhlükəsiz fəaliyyətinin təmin edilməsində mühüm rol oynayır.